Бүгін Ақмола облысы ДІБ «Конфессияаралық қатынастарды талдау және дамыту орталығы» КММ қызметкерлерінің ұйымдастыруымен «Жастар арасында діни сауаттылықты қалыптастыру: өзекті мәселелер және оларды шешу жолдары» тақырыбында облыстық оқыту семинары өтті.
Семинардың мақсаты – зайырлылықтың негіздерін түсіндіру, мұғалімдердің құқықтық және дінтанушылық сауаттылықтарын арттыру, діни экстремизм мен терроризм идеяларының және деструктивті жалған діни ағымдардың алдын алу.
Ақмола облысы Дін істері басқармасының «Конфессияаралық қатынастарды талдау және дамыту орталығы» КММ басшысы Қасенов Болат модератор болған іс-шарада Дін мәселелері бойынша РАТТ мүшесі, ӘСҮТИ жетекші талдаушысы (Нұр-Сұлтан қ.) Гайко Ольга Александровна «Кәмелетке толмағандар арасында діни экстремизмнің алдын алу ерекшеліктері»тақырыбында сөз сөйледі.
Нұр-Сұлтан қаласының әкімі жанындағы әйелдер және отбасы демографиялық саясаты жөніндегі комиссия мүшесі, Қазақстанның кәсіби психологтар лигасының мүшесі Қойшиева Лимана «Жастар арасындағы діни экстремизмнің алдын алудың психологиялық ерекшеліктері» тақырыбында сөз қозғап, сұрақ-жауап барысында ол әдістемелік ұсынымдары және өзіндік іс-тәжірибелермен бөлісті.
Семинар соңында барлық қатысушыларға сертификаттар тапсырылып, оқыту барысында жұмыста қолдануға арналған оқу құралдары мен брошюралар таратылды.
