Рамазан айының кіруіне байланысты Батыс Қазақстан облысының әкімі Ғали Нәжімеденұлы орталық мешітке арнайы келді.
Орал орталық мешітінің наиб имамы Мейрамбек Абдрахманов қасиетті Құран кәрімді бағыштап, ҚМДБ-ның БҚО бойынша өкіл имамы Бақытжан Құралбайұлы дұға жасады.
Алла үйінде облыс әкімі Ғали Нәжімеденұлы исі мұсылман жамағатты қасиетті Рамазан айымен құттықтап, мешіт жанындағы «Ақсақалдар» алқасының мүшелерімен және мешіт ұжымымен жүздесті.
Бақытжан Құралбайұлы өңірдегі діни ахуалды баяндап, мешітте тарауық намазы оқылып, қарилар хатым түсіруді бастағанын, қала, аудан мешіттерінде ауызашарлар ұйымдастырылып жатқандығын жеткізді.
Ақсақалымыз Қадырғали қажы Қарағойшиев облыс әкіміне ақ батасын беріп, жұмысына береке тіледі.
ҚМДБ-ның БҚО бойынша өкілдігінің баспасөз қызметі
