Қарағанды облыстық «Әнет баба» мешітінде «Уақып – сарқылмайтын сауап» тақырыбында көшпелі насихат жұмысы бойынша кезекті семинар өтті.
Жиынды ҚМДБ «Уақып» корпоративтік қорының президенті Ардақ Оразбай және «Qamqor-Sharapat» салттық қызмет көрсету орталығының директоры Мейрамбек Қабылбекұлы өткізді.
Шараға Қарағанды облысының бас имамы Өмірзақ Қазкенұлы бастаған қала, аудан имам-молдалары қатысты. Жиын «Уақып» қорының жұмысын халық арасында кеңінен насихаттап, жұмысын жандандыруға бағытталған.
Қор президенті Ардақ Оразбай жиналған дін қызметкерлеріне бөлімнің негізгі мақсатын түсіндіріп, саланың қызметін одан әрі арттыру үшін атқарылар жобалар мен маңызды мәселелерге тоқталды. Сондай-ақ, тың жоспарлар алға қойылды.
Сонымен қатар, «Qamqor-Sharapat» салттық қызмет көрсету орталығының директоры Мейрамбек Қабылбекұлы «Зират және зиярат», жаназа, жерлеу, ас беру мәселесіндегі дәстүр, әдеттерді бір ізділікке түсіру мақсатында түсіндірме жұмыстарын жүргізіп, орталықтың маңыздылығын түсіндіріп өтті. Сондай-ақ, салттық қызмет көрсету орталығының дәстүрлі шарттарын халық арасына кеңінен насихаттау жолындағы жоспарларды атап өтті.
