Хасан Басри жайында мынадай риуаят бар. Ол бірде базардағы досының дүкеніндегі бір себеттен інжір, тағы бірінен құрма алып, жеп тұрады. Жанындағы бір кісі:
– Уа, Әбу Сағид, күмәнды іске деген ұқыптылығың қайда? Біреудің затын рұқсатсыз жеп тұрсың ғой, – дейді. Сонда Хасан Басри:
– Әй, Алланың құлы! Маған тамақ жайындағы аятты оқышы, – дейді. Ол «…немесе достарың…» деген жерге дейін оқиды да:
– Уа, Әбу Сағид, аяттағы «дос» сөзі кімге айтылады? – деп сұрайды. Сонда Хасан:
– Дос – одан көңілің рахат, жүрегің жай табатын адам, – деген екен.
Дайындаған Тұрар ТҮГЕЛҰЛЫ
