Тақуа Ғазуан Раққашиден бір кісі:
– Сенің күлмегенің дұрыс дейік. Ал достарыңның мәжілісіне қатысуыңа не кедергі? – деп сұралады. Ол:
– Мен жүрегімнің рахатын өзім мұқтаж болған Раббымның жанында болудан табамын, – деп жауап береді.
* * *
Бірде әулие Уайс әл-Қарани отырған кезінде Һарам ибн Хаййан келіп қалады. Уайс әл-Қарани оған:
– Сені мұнда не әкелді? – дейді.
– Сенімен достық сұхбат құру үшін келдім, – дейді. Уайс әл-Қарани:
– Раббысын танып, сосын басқамен сұхбаттасқысы келетін ешбір жанды көрмеген екенмін, – дейді.
Дайындаған – Тұрар ТҮГЕЛҰЛЫ
