Сұрақ: Қылмыс жасаған адамның «істегеніме өкінбеймін» дегені дұрыс па?
Жауап: Қылмыс жасаған адамнан күтілетін әрекет – қылмысының және күнәсінің пайымына баруы. Оларды жасағанынан пұшайман болып, тәубе етуі. Тәубенің қабыл болуының шарттары белгіленіп қойған.
Ол үшін:
А). Күнәні тастау;
Ә). Жасаған күнәсі үшін өкіну;
Б). Күнәні қайталамауға тырысу;
В). Егер де күнә құл ақысымен қатысты болса, ақы иесінен кешірім сұрау. Құл ақысынан құтылу желінген ақыны иесіне немесе мирасшыларына қайтару арқылы немесе кешірімін алу арқылы болады.
Яғни, қылмыс жасаған адамның «істегеніме өкінбеймін» деуі күнәні қайталап тұратындықтан, күнәға жатады.
Түсінбеймін, қылмысына өкінбеймін деп қалай айтады? Құмырсқа басып кетсең де жазасы бар емес пе?