Жалпы, кез келген діннің негізгі миссиясы әлемге ізгілік пен бейбітшілікті насихаттау болып табылады. Жер бетіндегі адамдарды имандылыққа, әділеттілік пен мейірімділікке, шындық пен туралыққа шақырады. Шынайы дін барлық уақытта қоғамдық жүйені жақтауымен ерекшеленеді.
Ал енді кейбір діндарлардың дінді дұрыс түсінбеуінен (түсіне алмауынан) туындаған оғаш қылықтарын оның өкілі болып табылатын дініне жауып жатамыз.
Сондықтан, белгілі бір дін өкілі болып табылатын азаматтар мейлі ол басшы болсын, мейлі ол саудагер немесе қарапайым азамат болсын, қандай да бір іс-әрекетке барардан бұрын өзінің жеке басының мүддесін емес, ұстанатын дінінің мүддесін ескере отырып жасағаны дұрыс.
Діннің жаманы жоқ, бірақ дінді ұстанатын адамдардың жаманы болады.
