Бұл күн мұхаррам айының оныншы күніне сай келгендіктен «Ашура», яғни, оныншы күн деген атау берілген. «Ашура» сөзінің өзі арабша «он» деген санды білдіретін «ашара» сөзінен шыққан. Бұл күні адамзат тарихындағы ірі оқиғалардың орын алған күн болғаны үшін де маңызды да, қасиетті күндердің бірі болып саналады.
Кітаптарда Ашура күні Алла тағала өз мейірімімен Адам атамыздың (ғ.с.) жұмаққа кірген әрі тәубесін қабыл етті.
Қасиетті Ашура күнінде Алла тағала Нұх және онымен кемеде бірге болған қауымын топан суда қаза болудан құтқарды Топан су біткеннен соң, Ашура күні Нұх пайғамбар мен оның қауымы құрғақ жерге аяқ басты.
Мұса (ғ.с.) пайғамбар мен оның қауымының Алланың құдіретімен Мұса мен қауымы Перғауыннан құтылып, ал Перғауын мен оның әскері Қызыл теңізде қаза тапқан күні де Ашура күні болған еді.
Жүніс пайғамбар киттің ішінен шығарылған деген мәліметтер де бар.
Ал, сүйікті Пайғамбарымыз Мұхаммедтің (с.ғ.с.) де осы күнді қадірлеп ораза ұстағаны және үмбетіне де өсиет еткені жайлы риуаяттар бар.
