Оқу орнының толық атауы:«Қазақстан мұсылмандары діни басқармасы» республикалық ислами діни бірлестігінің «Ақтөбе медресесі» жеке мекемесі
Мекен жайы: Ақтөбе обл., Алға ауданы, Бестамақ селосы, Алға көшесі, 58 үй.
Құрылған жылы:2008 жыл
Меншік түрі: Жеке мекеме
Байланыс телефоны: 87133 768145, факс: 768145
E-mail: nur-gasyr@mail.ru.
«Ақтөбе медресесі» діни бірлестігі Қазақстан мұсылмандары діни басқармасының қолдауымен 2008 жылы ашылды. ҚР Әділет министрлігінде 2009 жылы 30 сәуірде тіркеліп, №5097-1900-ДБ куәлігін алған. 2009 жылы 8 маусымда ҚР Қаржы министрлігі тарапынан № 0001508 серия 62 Салық төлеуші куәлігі берілген.
«Ақтөбе медресесі» діни бірлестігі оқу-ағарту қызметін 2009 жылдың 29-желтоқсанында ҚР Білім және ғылым министрлігі Ғылым саласындағы бақылау комитеті берген № 0137342 АБ сериялы білім беру құқығын беретін Мемлекеттік лицензияның негізінде жүргізіп келеді.
«Ақтөбе медресесі» жеке мекеме ретінде Ақтөбе облысы Әділет департаментіне 2012 жылғы 29 қазанда қайта тіркеліп, заңды тұлғаны мемлекеттік тіркеу туралы № 267-1904-04-М-е куәлік алған.
Медресенің оқу жоспары мен негізгі оқулықтары Діни басқарма тарапынан бекітіліп, Білім және ғылым министрлігінің Техникалық және кәсіптік білім департаментімен келісілген.
Медреседе 14 оқытушы жұмыс істейді. Жалпы гуманитарлық пәндердің оқытушылары еңбек шарты негізінде өңірдегі арнаулы орта және жоғары оқу орындарынан тартылады. 2010 жылдан бастап ҚМДБ және Египет Араб Республикасының «әл-Азхар» университетінің арасындағы келісімшарт негізінде Ақтөбе медресесінде «әл-Азхар» университетінен шақырылған 2 оқытушы қызмет атқарады.
Медресенің жер телімінің жалпы аумағы 4722 шаршы метрді қамтиды. Медреседе оқу аудиториялары, кітапхана, 80 орындық жатақхана және асхана, медициналық пункт бар. Кітапхана қорында 4000-нан астам әдебиет жинақталған.
Ақтөбе облысының орталық мешіті болып табылатын «Нұр-ғасыр» мешітінің сайтында «Ақтөбе медресесі» туралы бөлім ашылып, онда оқу орны туралы толық мәліметтер берілген.
Медресе шәкірттеріне «имам», «бастауыш сыныптардың араб тілі оқытушысы», «тәрбиеші» мамандықтары беріледі.
Қазір медреседе 42 шәкірт білім алуда.
