«Жайлаубай ата» мешітінің ұйымдастыруымен волейбол турнирі өтті

Тәуелсіздігіміздің 30 жылдық мерекесіне орай Қостанай қалалық «Жайлаубай ата» мешітінің ұйымдастыруымен волейбол турнирі өтті.
Турнир мешіт жамағатының ынтымақ-бірлігін нығайту, егемендігіміздің қадір-қасиетін арттыру, оның мән-мағынасын өскелең ұрпақтың санасына сіңіру мақсатында ұйымдастырылды.
Жарыс нәтижесі бойынша жоғары шеберлік көрсетіп, көңілдегідей ойын өрнегін танытқан Лисаков қаласындағы «Әбдіхайым Саламатұлы» мешітінің командасы бірінші орынды жеңіп алды. Екінші орын Әулиекөл ауданындағы «Әмит ишан» мешітінің, үшінші орын Рудный қаласындағы «Нұр» мешітінің командаларына бұйырды. Жарыс қорытындысы бойынша жүлдегелер лайықты марапатталып, естелік сыйлықтар табысталды.