Бүгінгі таңда қоғамда қордаланған мәселенің бірі – жат ағымның ықпалына түскендерді оңалту. Осы орайда Қылмыстық атқару саласына қарасты Қызылорда облысындағы № 68 мемлекеттік мекемесінде жат ағымға кіріп, «адасып» кеткен, яғни мекеменің оқшауланған аймағындағы сотталғандарымен үздіксіз теологиялық оңалту жұмыстары жүргізілуде. Бұл теологиялық жұмыстар, әртүрлі дәрістер мен психологиялық тренингтер, ақпараттық-түсіндіру жұмыстары қолданушылардың радикалды үгіт-насихатқа деген иммунитеттерін қалыптастырады. Сондай-ақ дінге сенуші сотталғандардың бойында оң иммуниттет қалыптастыру мақсатында сотталғандардың өз беттерімен сауаттарын арттырып, танымдарын кеңейтулері үшін діни әдебиеттермен қамтамасыз етіліп отырылады..
Осы орайда мекеменің теолог маманы Р. Рузиев «Асылмұра» қоғамдық қорынан мекеме кітапхана қорын толтыру үшін дәстүрлі ислам бағытындағы кітаптарды сұратқан болатын. Теологтың сұранысы негізінде осы қоғамдық қордың өкілі Айжан Асылмұратқызы 21 діни әдебиеттерді әкеліп берді.
– Бүгінгі жаһандану кезінде адамдар дінге деген ізденісін, яғни діни вакумды өз бетінше ізденіп толтыруда. Ал бұл олардың ғаламтор арқылы улы уағыздарын насихаттап жүрген әртүрлі жат ағымдардың қармауына ілінуге әкелетіндігін байқамайды Арнайы зерттеуші мамандардың айтуы бойынша, теріс жолға түсіп кетушілердің көбі діни білімнің және зайырлы білімнің аздығынан болады екен. Сондықтан біздің Асылмұра-Орда қоғамдық қоры тергеу изоляторында қамауындағы экстремизм және терроризм баптары бойынша сотталған азаматтармен теологиялық жұмыстар жүргізу мақсатында пайдаланатын 21 діни кітаптарды сыйға берді. Бұл кітаптар жазасын өтеушілердің түзелуіне ықпалын тигізеді және сотталғандарды рухани тәрбиелейді деп ойлаймыз. Оларды адамгершілікке, имандылыққа тәрбиелеуге оң әсерін беріп, кейбір жаза өтеушінің өмірлік көзқарастарын жағымды бағытқа өзгертуге септігін бермек-деді А.Асылмұратқызы.
Бұл әкелінген кітаптар радикалдық бағытқа қарсы арнайы тексерістен өтіліп, әр кітап бойынша қысқаша түсіндірме жұмысын жүргізілген соң мекеменің АКАӘПТЖБ-нің қызметкерлеріне табысталынды.
