«Нұр-Мүбарак» университетінің баспасынан жаңа ғылыми еңбек оқырманға жол тартты. «Сопылық ілім» деп аталатын 464 беттік кітапты жазу үшін автор, «Дінтану» кафедрасының оқытушысы, PhD доктор Жоламан Бұланұлы екі жылын сарп еткенін айтады.
Әрі ғылыми зерттеуінің негізгі нысанасы болғанын жеткізген Жоламан Бұланұлы: «Бұл еңбекте сопылықтың генезисі мен эволюциясы және мәні мен мазмұнына қатысты негізгі тақырыптар қамтылып, жүйелі түрде қарастырылған», – деді. Яғни жаңа монографиялық еңбектен сопылыққа қатысты негізгі мағлұматтар, сопылықтың пайда болуы, тарихи қалыптасуы мен дамуы, мектептері мен негізгі тариқаттары, сопылықтың мәні мен ұғымдары, әдіснамалары мен мәселелеріне қатысты басты тақырыптарды жүйелі түрде таныса аласыз.
«Сопылық ілімі» кітабына филол.ғ.к., доцент Қыдыр Төрәлі, Нұр-Мүбарак университетінің ғалымдары PhD доктор, қауым.профессор Қалмахан Ержан, PhD доктор Мұхан Исахан пікір білдірген. Сондай-ақ ҚР Ақпарат және қоғамдық даму министрлігі Дін істері комитетінің Дінтану сараптамасы мен Қазақстан мұсылмандары діни басқармасының діни сараптама бөлімі мақұлдаған.
Төрт тарауға бөлінген кітапта мистицизмнен бастап, сопылыққа қатысты мағлұматтар, оның басқа ілімдермен байланысы, сопылықтың қайнар көзі және сыртқы ықпал мәселесі, зуһд, тасаууф, тариқаттар, негізгі атаулары мен ұғымдары, ғибадат пен ахлаққа қатысты ұғымдар, жүрек пен ұжданға қатысты, мағрифат пен таным, сопылықтағы құдайға ант ету, адамға ант ету, батини ілімі, т.б. тақырыптар қамтылған. Сондай-ақ сопылыққа қатысты сыни көзқарастармен де танысуға болады. Кітап дін саласындағы студенттер мен мамандарға, сопылық туралы білгісі келетін сопылық іліміне қызығушы жалпы көпшілікке арналған.
Кітапты қалай сатып алсам екен