Бүгінгі қасиетті жұма Нұр-Сұлтан қаласындағы «Сәдуақас қажы Ғылмани» мешітінде ұзақ жылдар бойы тазалықшы болып қызмет атқарып келген Ұмсын Тұрбашова үшін ерекше қуанышты күн болды.
Ұмсын Тұрбашованың ұзақ жылдар бойы құлшылық ордасына сіңірген еңбегін елеп-ескеріп, бас имам Руслан Байзақовтың ұйымдастыруымен демеушілер есебінен кіші қажылыққа жолдама берілді.
Жұма намазынан кейін бас имам мен мешіттің ақсақалдар алқасы ұмра жолдамасының арнайы сертификатын тазалықшыға табыстады. Ақсақалдар ақ батасын беріп, мешіт қызметкеріне сәт сапар тіледі.
