Башқұртстан астанасы Уфа қаласының тұрғыны көне Құранды 2,5 миллион рубльге сатуға қойды. Мұндай жарнама “Авито” сайтында жарияланды.
Жәдігер иесі Рушанияның айтуынша, оның отбасында сақталған бұл Құранға 140 жыл болған, яғни 1882 жылы шыққан.
Құранның бастапқы бірнеше беті жыртылған, бірақ жоғалмаған. Рушания көне кітапты сатуының себебін отбасында ешкімнің арабша оқи алмайтындығымен түсіндіреді.
“Шын айтқанда, үлкендердің бәрі өмірден озды, мұны енді ешкім оқи алмайды. Бұл менің әжемнің анасының кітабы еді. Менің жасым 57-ге келді. Осындай Құранның менде екеуі бар, біреуін өзіме қалдырамын”, – деді ол.
Фото: “Авито”
