Сұрақ: Шетелден діни кітаптарды әкелуге бола ма?
Жауап: Қазіргі таңда Мысыр, Сауд Арабиясы, Түркия, т.б. сынды елдерден түрлі мақсатта немесе оқып жүрген азаматтар діни әдебиеттерін өзімен бірге алып келуі мүмкін. Қазақстан заңында шетелден діни кітаптарды әкелуге рұқсат бар, бірақ оған белгілі бір заң талаптары мен шектеулер бар екендігін білуі тиіс.
Кеденде міндетті түрде діни әдебиеттер тексеріледі. Елімізде тіркелген конфессиялар немесе басқа да азаматтар діни әдебиеттерін алдын ала діни сараптамадан (экспертиза) өткізеді. Сараптамадан оң қорытынды алғаннан кейін ғана әкелуге рұқсат етіледі.
Ал, тегін кітап екен деп жылтыраған еңбектерге қызығып, әуестеген діни материалдар ел аумағында қауіпті деп танылған (экстремистік) еңбектер болса тыйым салынады. Оның салдары әкімшілік немесе қылмыстық жауапкершілікке дейін соқтырады.
Әкелінген немесе басып шығарылатын әрбір діни материалдың дінтанулық сараптамасын Мәдениет және ақпарат министірлігі Дін істері комитеті жүргізеді.
Икрам АЙТАЕВ
