Сұрақ: Исламда әйел мәртебесі жайлы айтылған ба?
Жауап: Ислам – әйелге ерекше жоғары баға берген дәстүрлі дін. Ислам әйелдерге деген зорлық атаулының күшін жойып, ерекше құқықтық мәртебе берген. Әйел мен еркектің Алла алдында тең екендігі, олардың иман мен ізгі амал арқылы дәрежесі артатыны Құран мен хадисте кең баяндалған.
Адамның бір-бірінен артықшылығы жынысына емес, тақуалығы мен адамгершілігіне байланысты екен. Қазақ қыз тәрбиесіне мән беріп, қыз болашақ деп, ұлт тәрбиесімен пара-пар қойған.
Ал, қазіргі қоғамда кереғар түсініктердің бірі, кейбіреулер әйел еркектің нәпсісі үшін жаратылған деген сынды жағымсыз көзқарастарымен надандықтарын көрсетіп жүр. Мұндай қараңғылықтан сақ болғанымыз дұрыс.
Пайғамбарымыз (с.а.у.) хадисінде: «Иманды әйел – қайырлы іс жасамайтын мың еректен де қайырлы», деген, тағы бір хадисте: «Мына дүниенің салиқалы әйелдері, хор қыздарынан жетпіс мың есе артық болады» деген.
Демек, Ислам әйелге жоғары мәртебе берген екен. Ендеше ол – ана, жар, қыз ретінде құрметке лайық екенін ұмытпайық.
Икрам АЙТАЕВ
