Қазақстан мұсылмандары діни басқармасының Төрағасы, Бас мүфти Наурызбай қажы Тағанұлы Батыс Қазақстан облысына арнайы сапармен барды. Сапар аясында Бас мүфти Зашаған кентінде салынған жаңа мешіт ашылуына арнайы қатысты.
Игі іс-шара қасиетті Құран аяттарын оқумен басталып, еліміздің амандығы мен жұртымыздың тыныштығы үшін арнайы дұға жасалды.
«Мешіттің мән-мағынасы «сәжде, құлшылық жасайтын орын» дегенді білдіреді. Ал шариға¬тымыздағы мәні: Аллаға иман келтірген мұсылмандар жиналып намаз оқитын, өзге де құлшылықтарын жасайтын қасиетті мекен. Сонымен қатар, мешіт – көңілі жабырқау жандар пана тауып, өмірден тауқымет көріп қиналып жүрген адамдар демеу көретін қайырымдылық пен ізгіліктің ордасы. Ең бастысы, құлшылық үйінде пенденің жүрегі тыныштық табады.
Исламда сауабы тоқтамайтын амалдың бірі – мешіт тұрғызу. Осы себепті Аллаға шынайы иман келтірген мұсылмандар қолынан келгенше мешіт көтеруге мән беріп, бұл игі істі үлкен ықыласпен атқарған. Өйткені мешіт – мұсылман жамағатын ауызбіршілікке шақырып, қайырлы істерге жұмылдыратын маңызды рухани ошақ», – деді өз сөзінде Бас мүфти.
Айта кетейік, жаңа мешітте бір мезетте 2000 мың адам құлшылығын өтей алады.
