Қазақстан мұсылмандары діни басқармасының Төрағасы, Бас мүфти Наурызбай қажы Тағанұлы Түркістан қаласындағы «Түркістан–Қожа Ахмет Ясауи» мешітінде ұйымдастырылған қайырымдылық шарасына қатысты.
Қайырымдылық шара барысында Бас мүфти мешіт қызметкерлерімен жүздесіп, олардың діни қызмет жолындағы еңбегіне ризашылығын білдірді. Сондай-ақ мешітке қызмет ету — дінге қызмет етумен тең сауапты іс екенін атап өтіп, дін қызметкерлерін адалдыққа, жауапкершілікке және жамағатқа үлгі болуға шақырды.
«Мешітте қызмет ету, әсіресе оны таза ұстау – Алланың разылығына апаратын үлкен сауапты жол. Бұл қызметті атқарған адам тек еңбекақы алып қана қоймай, әрбір намаздан, әрбір зікір мен дұғадан сауап алып отырады. Ниеті адал, ісі ықыласпен жасалған мешіттегі әрбір қызмет – ақыретте ауыр таразы болатын игі амал. Сондықтан Алланың үйіне қызмет етуді үлкен мәртебе деп біліп, оны шынайы ықыласпен атқару – нағыз бақыт. Жаратқан Алла сіздерге осындай ұлық сауап алуды нәсіп етсін!»,- деді Бас мүфти.
