Сұрақ: Жағымпаздық күнә ма?
Жауап: Ислам діні адамға, қоғамға зиян келтіретін жағымпаздық, жалтақтық сынды қасиеттерді құптамайды. Себебі, өтірік мақтау, екіжүзділік, жағымпаздану – адамгершілік тұрғысынанда жаман қасиеттер.
Демек, пайда үшін өтірік жағымпаздану, шындықты бұрмалау – күнә. Жағымпаздық адамдықты төмендетеді, әділ болуына кедергі келтіреді, басқа адамға зиянын тигізеді. Адам бойындағы ұнамсыз сипат болып саналады. Сонымен қатар, жағымпаздықтың салдары өтірікке, рияға, әділетсіздікке соқтырады.
Ал, орнымен құрмет көрсетіп, бойындағы жақсы қасиеттерді айту, мақтау, ризашылығын білдіру, сыйластық көрсету – әдептілік.
Пайғамбарымыздың (с.а.у.) хадисінде: «Байлыққа қол жеткізу үшін жағымпаздық жасаған адам иманының үштен екісін жоғалтады» деген. Жағымсыз қасиеттерден арылып, жақсы қасиеттерге ие болу – сауапты амал.
Икрам АЙТАЕВ
