Сұрақ: Діни радикализмнің алғашқы белгілері қандай?
Жауап: Дәстүрлі дін қоғамда белгілі бір рухани деңгейді қалыптастырушы ортақ тәртіпті сақтаушы, адамдарды ізгілік пен татулыққа біріктіруші құрал ретінде өз қызметін атқарады. Ислам – барша халықты бірлікке, ынтымаққа шақырушы бейбітшілік діні. Ал, діни радикалды топтар Ислам дінін ұрандатып, мұсылман атын жамылып, қылмыстарын дін үшін деп жүр. Мұндай діни радикалды ағымдардың айласынан сақ болғанымыз абзал.
Діни радикалды ағымдардың мынадай белгілері бар: Діни, саяси экстремистік идеяларды ұстанып, қоғамдағы тепе-теңдік пен ынтымақтыққа қарсы болады, «Алла жолында күрес» деп, зорлық-зомбылықты идеологиялық мақсатта пайдаланады, діни радикалды идеологиясын заңдарда, білім беру жүйесінде, қоғамдық өмірде іске асырауға тырысады, өздерінің діни нормаларын басқа мәдени немесе әлеуметтік ерекшеліктерге қарсы қояды, басқа діни көзқарастағы адамдарға «күнәлі» немесе «адасушы» деп қарайды, өздерінің діни сенімдерін абсолютті ақиқат деп, басқа діни сенімдерден артық қояды. Сондай-ақ, басқа да қоғамға қауіпті көзқарастары бар.
Икрам АЙТАЕВ
