Бүгін Түркістан қаласында «Дінім – діңгегім, дәстүрім – қазынам» рухани мәуліт кеші өтті. Іс-шараға Қазақстан мұсылмандары діни басқармасының төрағасы, Бас мүфти Наурызбай қажы Тағанұлы, Дін істері комитеті төрағасының орынбасары Мақсат Раманқұлов, Түркістан қаласының әкімі Әзімбек Пазылбекұлы, зиялы қауым өкілдері, және Түркістан қаласының тұрғындары қатысты.
Бас мүфти жиналған жұртшылықты Мәуліт мерекесімен құттықтап, ардақты Пайғамбарымыздың (оған Алланың салауаты мен сәлемі болсын) өнегелі өмірінен тағылым алудың маңызына тоқталды.
«Пайғамбарымыздың көзі тірісінде қалай құрмет көрсетілсе, ол дүниеден өткен соң да бұл құрмет жалғаса береді. Оның есімі аталған сайын салауат айту – мұсылманның міндеті», – деді Бас мүфти.
Кеште Мәуліт жыры оқылып, салауаттар айтылды. Театрландырылған қойылымдар сахналанып, Алла Елшісіне деген сүйіспеншілік пен құрметті насихаттайтын өнегелі ойлар ортаға салынды.
