Сұрақ: Адамгершілік пен жақсылық жасаудың діндегі орны қандай?
Жауап: Ислам дінінде адамгершілік пен жақсылық жасаудың орны айрықша. Дәстүрлі діндердің мақсаты – адамды адалдыққа, мейірімділікке, кешірімділікке, адамгершілік қасиеттерге жетелеу. Адамгершілік адамға жақсы тәрбиемен қалыптасады. Адам бойынан адамгершілік қасиеттер табылса ақылды, парасатты болады. Адамгершілік отбасында, қоршаған ортада, мектептерде, адамдардың іс-әрекетінің барысында бір-бірімен араласуы нәтижесінде қалыптасады.
Ы.Алтынсарин «Жақсы мінез бен ақыл күші біріксе – бұлар адамгершілік қасиеттер» деген. Ал, адамгершілігі жоқтан алыс болып, олардан сақ болғанымыз дұрыс.
Қасиетті Құран Кәрімде адамгершілік, жақсылық жайлы көптеген аяттар бар. «Бақара» сүресінің 83-аятында «…Адамдарға жақсы сөз сөйлеңдер», «Исра» сүресінің 23-аятында «…Ата-анаға жақсылық қылыңдар», «Фуссилат» сүресінің 34-аятында «Жақсылық пен жамандық тең болмайды. Сен жамандықтың қарымын жақсылықпен қайтар» деген.
Демек, дін адамның жүрегін тазартып, қоғамда бейбітшілік пен әділдікті қалыптастырады. Адамгершілік пен жақсылық – игі амалдардан.
Икрам АЙТАЕВ
