Сұрақ: Діни ақпараттарды қайдан алуға болады?
Жауап: Ғаламтор кеңістігі: Мұндағы ақпараттың барлығы дұрыс және сенімді бола бермейді.Интернет пайдаланушылар да ақпарат ағынының ығына жығылмайтын, мәліметтердің оң және теріс екенін айыра алатын ішкі сүзгінің болуы шарт. Қазақстандағы барлық мешіт – ҚМДБ-ның бөлімшелері болып есептеледі. Әр мешіттің ғаламтор кеңістігінде өзінің ресми сайты бар.
Кітаптар, журналдар мен газеттер: Бұлар ҚМДБ мен Дін істері комитетінің сараптау комиссиясымен мақұлдағандығы болуы маңызды. Сараптамадан өтпеген әдебиеттер күмәнді ақпарат болып саналады.
ҚМДБ-нің мешіттері: Мешітте жамағат арасындағы діни сенімі әртүрлі адамдар жылы сөздерімен қызықтырып, санаңызды улауы мүмкін. Бұл жағдайларды болдырмау үшін діни ақпаратты тек мешіт қызметкерлерінен, жоғары біліктілікті теологтар, дінтанушылардан алуыңыз қажет.
Туған-туыстар немесе дос-жарандар: Дәстүрлі емес діни танымдағы туыстарыңыз, достарыңыз бен таныстарыңыз болса, олар араларыңыздағы жақындықты пайдаланып, өзінің діни танымын тықпалауы мүмкін. Мұндай жағдайларда ресми жауапты имам-теологтарға жүгінгеніміз абзал.
Икрам АЙТАЕВ
