Ресейдің құрамында отырған Шешенстан Республикасында дәстүрлі ислам құндылықтарын нығайтуға ерекше көңіл бөлінуде. Бүгінде аймақта 1517 мешіт жұмыс істейді. Бұл — рухани тұтастық пен халықтар арасындағы бірлікті сақтаудың маңызды тетігі.
Жыл басынан бері жаңадан 18 мешіт ашылса, олардың бірі — бес шейіттің атымен аталған мешіт — Жеңіс күні 9 мамырда Грозныйда есігін айқара ашты.
Сонымен қатар, 100-ге жуық мешіттің құрылысы жүріп жатыр.
Діни білім беру саласы да дамып келеді: республикадағы 430 медреседе 43 мыңнан астам шәкірт білім алуда. Бұған қоса, 9 хафиздер мектебінде 770 бала Құран жаттап жатыр. Бұл — өңірде ислам ілімін тарату мен жас ұрпақты тәрбиелеуге бағытталған кешенді жұмыстың нақты көрінісі.
