Сұрақ: «Алла разы болсын» сөзін қолданған дұрыс па?
Жауап: Аллаға ең сүйікті істің бірі – адамдардың жүрегіне қуаныш сыйлау. Жақсылыққа ризашылық білдіру – рухани, тәрбиелік мәні бар іс. Адамдар жақсылыққа тек қарапайым алғыс айтып қана қоймай, оны жүректен шыққан жақсы сөздермен де, тілектермен де, кейде нақты іспен де білдіреді.
«Алла разы болсын» сөзі – қазақ халқында жиі қолданатын діни әрі рухани мағынасы бар сөз. Оны айту сауап. Қолданудағы мақсат – алғыс білдіру, жақсылыққа жауап ретінде дұға жасау, бұл сөз діни сипатта болғанымен қазақтың күнделікті өмірінде қолданылады, рухани-мәдени мәнге ие.
Сондай-ақ ризашылық мағынасында рақмет, көп рақмет сынды т.б. сөздері де қолданылады. Ж.Баласағұнның «Құтадғу білік» еңбегінде: «Жақсылыққа жақсылық қып жетесің, берер саған Хақтың өзі есесін» дегендей, жақсылық жасап мол сауапқа бөлене берейік.
Икрам АЙТАЕВ
