Имам Құртұби (Алла одан разы болсын) айтады:
«Адамның өз амалымен мақтануы, сол амалын кемел деп білуі – Алланың оған берген нығметін ұмытуына жатады».
Негізінен, Алла Тағала ол адамды нығметінен мақұрым қылды. Өйткені, нығметтің ең үлкені – өзінің жасаған үлкен амалы болса да, аз деп білуі. Ал, басқалардың аз амалын көрсе де, үлкен деп білуі.
Сондай-ақ қарапайым адамдардан көрген жақсылығын көп деп бағалауды айтады.
Сондықтан адам баласы өзінің үлкен-үлкен амалдарын кішкентай деп білуі керек.
Бұдан түсінетініміз, Алланың бұйырған амалын шариғатқа сәйкес, әдеппен, кішіпейілділікпен орындау – сол амалдың саған берілген нығмет болуына, қабыл болуына негіз болатын себеп екен.
(Өзбекстандық Рахымберді ұстаз, имам)
Қуат ҚАБДОЛДА
