Сұрақ: Жаңа діни ағымдар қайдан пайда болады?
Жауап: Әлемдік және ұлттық діндер ұзақ әрі бай тарихи кезеңдерден өтіп, халықтардың рухани өмірінен орын тапқан. Бұл діндер көптеген жүзжылдықтар бойы халықтың тарихы, мәдениеті, рухани өмірі, салт-дәстүрлері және әдет-ғұрыптарымен тығыз байланыста болып келеді. Бұл діндер мәдениет пен қоғам өмірінің ажырамас бөлігіне айналды. Буддизм, иудаизм, харистиан, ислам халықтың күнделікті өмірінде бағыт-бағдарымен дәстүрлі діндер деп аталады.
Соңғы жүз жылдықтарда жаңа діни ағымдар кеңінен тарады. Діни қозғалыстар қасиетті саналатын кітаптарының негізінде өздерінше жеке діни ілімдер қалыптастырды. Сол ілімдері негізінде еңбектер жазып, уағыздарын жүргізеді.
Жаңа діни ағымдардың өзгешелігі сонда, оларда дәстүрлі діндердегідей бір жүйелік жоқ. Діни ілімді уағыздау, адамдарды тарту барысында дін негіздерін білмейтін қарапайым мүшелері уағызды міндет санайды. Тағы бір ерекшелігі – дәстүрлі діни танымдарға қарсы көзқарастары басым. Мұндай іс-әрекеттерімен дінараздық алауыздыққа себеп болады.
Икрам АЙТАЕВ
