Көптеген тәпсір ғалымдары Самуд қауымына сынақ ретінде жіберілген түйені – Алланың мүлкі, уақыпқа жатқызады.
Салих пайғамбар (ғ.с.) жиналған Самуд халқына қарап: «Уа, халқым! Мынау – Хақ тағаланың аруанасы. Бұл – сендерге берілген мұғжиза. Бұған әсте тиісіп, қол жұмсаушы болмаңдар. Алла тағаланың қалаған жерінде жайылсын. Оған қандай да бір жамандық жасап, залал келтіретін болсаңдар, көп ұзамай азапқа ұшырайсыңдар» (Һұд:64), дейді.
Бірақ, қауымы Алланың бұйрығына қарсы келіп, Алланың аманатына қиянат жасап, түйені өлтіргені үшін азапқа ұшырап, құрдым болады.
Сол сияқты уақыптың шариғаттағы көрсетілген «Уақып берушінің шарты – Алланың шариғатынмен бірдей» қағидасына сәйкес, «Уақып беруші» уақыпқа берген қандай да бір мүлкін қайырымдылықтың қай түріне атаса, сол талабы орындалуы қажет, басқа мақсатта пайдануға, қиянат жасауға болмайды.
Қуат ҚАБДОЛДА
