Президент кеңесшісі – Президенттің баспасөз хатшысы Берік Уәли Мемлекет басшысы Қасым-Жомарт Тоқаевтың оқитын ұлтқа айналу бастамасына әр азамат үлес қосуы қажет екенін айта келе осы мақсатта әлеуметтік желіде «Бірге кітап оқиық» жобасы басталғанын хабарлады.
«Алғашқы кезекте қаламгер Әзілхан Нұршайықовтың «Махаббат, қызық, мол жылдар» кітабы таңдалды. Келесі жаппай ел болып оқитын шығарманы анықтау бізге бұйырған екен. Мен қаһарман Бауыржан Момышұлы атамыздың «Ұшқан ұя» романын ұсындым. «Бірге кітап оқиық» аманатынан қалыс қалмаңыздар! деп жазды ол.
