Бір бәдәуиден: «Раббыңа көркем түрде дұға ете аласың ба?» деп сұрапты. Ол: «Әлбетте, дұға жасай аламын», деп, төмендегідей дұға жасаған екен:
«Иә Раббым, Сенен сұрамастан бұрын бізге Исламды бердің, иман нығметін бердің, сүйікті Пайғамбарыңның үмбеті болу шарапатын нәсіп еттің. Енді Сенен сұрайтынымыз: жәннатыңнан, Жамалыңнан, Пайғамбарымыздың шарапатты жүзін көруден мақұрым ете көрмеші».
Шынында Құран кәрімде Алла тағала: «Раббыларың «Маған жалбарыныңдар! Тілектеріңді қабылдаймын» деп бұйырған» (Ғабыр сүресі, 60)
Алла баршамызға шынайы дұға жасауды нәсіп етсін!
Қуат ҚАБДОЛДА
