Сұрақ: Күншілдіктің салдары қандай?
Жауап: Күншілдік – адамның теріс мінезінде кездесетін қызғаншақтық, арсыздық, көре алмаушылықты білдіретін жағымсыз қасиет. Исламда күншілдік жағымсыз сипаттағы ауыр күнәлар санатына жатады. Күншілдік өзгенің табыстарын, жетістіктері мен атқарған оң нәтижесіне қызғанышпен қарап, оның болмауын қалайды.
Күншілдіктің салдары: жүрегі қарайып, тыныштық таппайды, адамдар мен туыстар т.б. арасындағы қарым-қатынасты бұзып, дұшпандыққа әкеледі, өмірінде уайым пайда болып, рухани азғындап, күйзеліске түседі. Кез келген адамға мұндай жағымсыз қасиеттен арылғаны қайырлы және дұрыс.
Пайғамбарымыздың (с.а.у.) хадистерінде: «Жаман ойдан сақтаныңдар, өйткені жаман ой – ең жалған сөз. Іздемеңдер (кемшілікті), аңдымаңдар, бір-біріңді күндемеңдер, бір-біріңді жек көрмеңдер, бір-біріңнен теріс айналмаңдар, ей Алланың құлдары, бір-біріңе бауыр болыңдар», «Күншілдік жақсы амалдарды оттың отынды жалмағанындай жояды» деген.
Адам өзіне берілген нығметтер мен жақылықтарды бағалып, шүкіршілік етіп, Алладан жақсылықты үміттенгені дұрыс.
Икрам АЙТАЕВ
