Нигерияда қайырымдылық шарасы кезінде жаппай қыспақта қалған жұрт бірін-бірі таптап, 22 адам көз жұмды.
Сенбі күні Нигерияның оңтүстік-шығысындағы Анамбра штатындағы Окиджа қаласында Рождество мерекесі қарсаңында халыққа азық-түлік пен өсімдік майын таратуға арналған қайырымдылық шарасы өткен. Сол кезде қыспақта қалған 22 адам қаза болды. Мерт болғандар саны бұдан көп болуы мүмкін.
Анамбра полициясының өкілі Точукву Икенганың айтуынша, зардап шеккен кей адамдар жергілікті ауруханаларда емделіп жатыр. Бірақ олардың нақты саны айтылмады. Қазір оқиғаға қатысты тергеу жүргізілуде.
Айта кетейік, жақында Нигерияның Ұлттық полициясының басшысы Кайоде Эгбетокун әлеуметтік тұрғыда осал санаттағы азаматтарға арналған жәрмеңкелер мен басқа да түрлі шаралардың талапқа сай ұйымдастырылмауынан адам өлімі болатынын айтып, қатаң ескерту жасаған еді.
