Цифрлық даму министрлігі атыраулық оқушылар Хайдар Атағұлла мен Қайырхан Лұқпановтың «Ақылды көзілдірік» жобасы 2024 жылғы 100 Rise Global Winners тізіміне енгенін хабарлады, деп жазады Egemen.kz.
«Ақылды көзілдірік» мүмкіндігі шектеулі азаматтарға арналған. Ол RikaAI жасанды интеллекті негізінде жасалған. Арнайы көзілдірік құлаққап арқылы ChatGPT немесе Wikipedia секілді дыбыстық сұрақтарға жауап береді.
Мәтінді сканерлеу және оқу арқылы күнделікті тапсырмаларды жеңілдетіп, көру қабілеті шектеулі адамдарды құлаудан қорғау үшін кедергілерді анықтайды. Тұлғаның кез келген ортаны танып, ыңғайлануы үшін айналасын сипаттайды.
Хайдар Атағұлла мен Қайырхан Лұқпановтың осы жобасы бұған дейін Jasscience-2024 байқауында жеңіске жеткен. Осылайша Хайдар Атағұлла кез келген университетте тегін оқу мүмкіндігіне ие болған.
