Ғұламалар сөзінен:
Соқыр адамға бір-ақ тілегің қабыл етіледі делінген екен. Әлгі бұған басы қатып, не тілерін білмепті. Бірін тілесе, бірі қалып қоятын болып тұр… Сонда Алла аузына салып: «Иә, Алла! Баламның уыс-уыс алтын ұстағанын көруге жаз!» деген екен. Сөйтіп, бір тілектің ішінде бар тілегі орындалыпты.
Сол сияқты біреу сізге: «Алла разы болсын!» десе, азсынбаңыз! Өйткені, Алла разы болса, сіз төрт жақсылыққа қауышатын боласыз:
1) Алла разы болса, иншалла жәннатқа кіресіз.
2) Алла разы болса, иншалла Пайғамбарымыздың (с.ғ.с.) қолынан кәусар бұлағы суын ішесіз.
3) Алла разы болса, иншалла Жаратушы Иеңнің жамалын көресіз.
4) Алла разы болса, иншалла екі дүниеде бақытты боласыз.
Қуат ҚАБДОЛДА
