Киелі Кереку жерінде өтіп жатқан Құран Кәрімді жатқа және мәнерлеп оқу байқауының екінші күнінде қарилар Құранды толық жаттаудан бақ сынауда.
Атап айтқанда, дәл қазір Құранның 30 парасын толық жаттаған қарилар арасында жарыс өтуде. Байқаудың бас жүлдесін иеленген қариға шетелдік автокөлік берілетінін айта кеткен жөн.
Сондай-ақ өзге номинацилар бойынша жеңімпаздар мен жүлдегерлер қомақты қаржылай сыйлықпен марапатталады. Қариларға қолдау білдіріп, байқаудың өтуіне демеушілік жасаған жомарт жандарға Діни басқарма ұжымы алғыс білдіреді.
Байқауды тікелей эфирде «Munara TV» телеарнасынан және «Муфтият ҚМДБ» Youtube арнасы мен @muftiyatkz инстапарақшасынан онлайн тамашалай аласыз.
