ҚМДБ-ның Жастар секторының тапсырмасына орай «Dintellect» интеллектуалды білім сайысы Павлодар облысы бойынша қалалық «Достық» үйінде ұйымдастарылды.
Сайысқа әрбір аудан және қалалық мешіттерден бір-бір үміткер қатысып, олар 5 топқа бөлініп өзара білім жарыстырды.
Білім сайысында адам, қоғам, өмір, дін мен дәстүр, шариғат қатарлы мол ауқымды қамтыған сұрақтар арқылы дін қызметкерлерінің білімі сарапқа түсті. Алайда сайысқа қатысушылар өздерінің білімді де білікті, болашақта биіктерді бағындыра алатын жастар екендігін көрсете білді.
Сайыс қорытындысы бойынша Ақсу, Аққулы, Баянауыл аудандары және қалалық «Бижан» мешітінің біріккен «Фирдаус» тобы1-ші орын,
Успен, Тереңкөл аудандары және қалалық «Ақмешіт» мешітінің біріккен «Хикмет» тобы 2-ші орын алса, 3-ші орынды Майқайын кенті және қалалық «Омар Фаруқ», «Әбу Бәкір Сыддық» мешіттерінің біріккен «Ихсан» тобы иеленді.
Жеңіске жеткен команда Республикалық «Dintellect» сайысына қатысатын болады.
