Кувейтте «Барби» комедиясына ішінде дәстүрлі құндылықтарға қайшы жерлері болғандықтан көрсетуге тыйым салынды. Бұл туралы елдің Ақпарат және мәдениет министрлігі хабарлады.
Министрдің орынбасары Лафа ас-Субейдің айтуынша, тыйым салмастан бұрын билік комедия ішіндегі анайы көріністерді алып тастауды сұраған. Бірақ бұл талап орындалмай, фильм ел ішінде мүлдем көрсетілмейтін болды. Субейдің сөзінше, адамгершілік пен ар-ұят нормаларына қайшы келетін кез келген фильмге елде тыйым салынады.
Айта кетсек, бұған дейін Ливанда да «Барби» комедиясына тыйым салынған болатын.
