«Нұр-Мүбарак» университетіне Академиялық ұтқырлық бағдарламасы бойынша Мысыр Араб Республикасынан танымал ғалым, 300-ден аса ижаза игері, профессор Усама Сайд Махмуд әл-Азһари арнайы келді.
«Нұр-Мүбарак» университетінің ғылым ізденушілері магистранттар мен докторанттарға арнайы дәріс оқуға келген ғалымды университет басшылары ректор, профессор Мұхаммад аш-Шаххат пен проректор, PhD доктор Қайрат Құрманбаев қарсы алып, алғашқы дәріс басталып кетті.
ЕАР Президентінің діни кеңесшісі, әл-Азһар университетінің профессоры Усама Сайд Махмуд әл-Азһаридің келетіні жайлы алдын ала хабарланғандықтан, дәрісті тыңдауға келушілер өте көп болды.
Тәпсір, хадис, усул әл-Фиқһ, мантық, грамматика салалары бойынша Мысыр, Шам өлкесі, Йемен, Марокко ғалымдарынан дәріс алған ғалымды тыңдауға студент, магистрант, докторанттардан өзге университеттің оқытушы-профессорлары да қатысты. Екі сағаттан аса өрбіген дәріс барысында көпшілік тарапынан сауалдар қойылып, жауаптарын алды.
Үш күнге жоспарланған ғалымның дәрісі енді 1-2 наурыз күндері жалғасады.
