Астанадағы мешіттердің бірінде бірнеше жерінен пышақ сұғылған азаматтың жағдайы өте ауыр, деп жазды ҚМДБ-ның баспасөз хатшысы Ағабек Қонарбайұлы өз әлеуметтік парақшасында.
– Астанадағы мешіттердің бірінде шаруашылық қызметкерін пышақтап кетті. Ауыр жарақат алған мешіт қызметкері дәрігерлердің бақылауында. Жағдайы ауыр.
Мешіттің шаруашылық жұмыстарын жүргізетін қызметкерді суық қарумен жарақаттаған күдікті ұсталды. Бұрын сотталған. Қазір тергеу жұмыстары жүргізілуде. Болған оқиға себептері анықталуда.
Алдын ала жеткен мәліметтер бойынша қылмыстық оқиғаға отбасылық қақтығыстар, дәлірек айтқанда күдікті азамат пен оның әйелі арасындағы дау-жанжалдар себеп болған. Бұқаралық ақпарат құралдары өкілдеріне қосымша ресми мәлімет берілетінін хабарлаймыз, – деді дін қызметкері.
