Сұрақ: «Миғраж түні» кез келген адамға нәсіп бола ма?
Жауап: Бұл сұраққа жауап беру үшін әуелі «мұғжиза» не екенін білуіміз керек. Мұғжиза – пайғамбарларға ғана тән ғажайып құбылыс. Бұл тек Алланың құдіретімен жүзеге асады. Әулиенің жасайтыны «керемет» деп аталса, пайғамбарлардың кереметі – мұғжиза.
Құдай мұғжизаны артынан халықты ерте білуі үшін тек пайғамбарларға береді. Мұғжизаны көрген халық Құдайдың құдіретіне сеніп, пайғамбардың айтқанын орындайды.
Міне, миғраж – Мұхаммед (с.ғ.с.) пайғамбарға берілген үлкен мұғжизаларының бірі. Сондықтан да миғражды пайғамбарға тән құбылыс деп айтамыз.
Жалғас САДУАХАСҰЛЫ
