Қазан – Ресейдегі және Татарстандағы халықтың табиғи өсімі сақталып отырған азғантай қалалардың бірі. Әсіресе Еділ жағалауында орналасқан миллионер қалалардың ішінде табиғи өсімі бар жалғыз шахар.
Өткен жылы қалада 18,7 мың сәби дүниеге есігін ашқан. Әрбір екінші сәби, нақтырақ айтқанда 43% отбасындағы тұңғыш бала болған.
Ат қою мәселесіне келсек, татар халқында балаларына мұсылманша есім беру дәстүрі сақталып келеді. Өткен жылы туған ұл сәбилерге Әмір, Кәрім есімдері, ал қыздарға Әмина, Ясмина секілді аттар көп қойылған.
