Елордада 13-14 қазан аралығында “Түркітілдес журналистер қоры” мен “Шеврон” компаниясының ұйымдастыруымен “Әлеуметтік журналистика: БАҚ-тағы әлеуметтік мәселелер” атты семинар-тренинг журналистердің біліктілігін жетілдіру мақсатында өткізілді.
Аталған семинардың модераторы – Түркітілдес журналистер қорының президенті Нәзия Жоямергенқызы болды. Сондай-ақ медиа тренерлер Британиядан “Avrupa Media Group” АҚ басқарма төрағасы Ватан Өз бен Қазақстанның танымал журналисі Қалима Тәжіқұл қазіргі пропаганда және ақпараттық манипуляция, ақпаратқа фактчекиң және журналистік зерттеу қалай жасалатыны және қоғамдық проблемалар, журналистің әлеуметтік жауапкершілігі қандай болу керек сынды өзекті тақырыптарды көтеріп, журналистер мен студенттерге түсіндірді.
Семинар соңында қатысушыларға сертификат тапсырылды. Олар көкейінде жүрген сауалдарына жауап алып, ұйымдастырушыларға өз алғыс-тілектерін білдірді.
