2022 жылдың 1 қазан күні «Отпан» Ақпараттық-түсіндіру және оңалту орталығының қолдауымен Өтегенов Бағдаулеттің ұйымдастыруы және басшылық етуімен жастар арасында «Қазақстан Республикасы – толеранттылық, татулық, бірлік пен тұрақтылықтың кепілі» тақырыбында пікір сайыс турнирі өтті.
Шараның ашылуы барасында «Отпан» орталығының директоры Азамат Нұғманұлы облыстағы діни жағдай, діни бірлестіктер, діни жат ағымдар, әлеуметтік желілердегі теріс контенттер және т.с.с. ақпараттық-түсіндіру жұмысы бағыттарында мәліметтер берді.
Сонымен қатар облыстағы діни ахуал және дін мәселері бойынша Дін істері басқармасы және оған қарасты дін мәселелрі бойынша орталықтың жұмыс жасайтыны жөнінде ақпараттандырды.
Сондай-ақ дебатқа қатысушыларға сәттілік пен шығармашылық табыстар тіледі.
Дебатқа 20 команда бақтарын сынап, солардың ішінен: “Отбасы», “AJ” және “Корольдік клуб” фракциялары финалға өтті.
Пікірсайыс резолюциясы бойынша:
1. «Дін және жастар, зайырлылық, толеранттылық»
2. «Жат діни ағымдардың қоғам үшін зияны» сұрақтары қарастырылып, пікірлер ортаға салынды.
Дебат турниріне төрешілік еткен Өтегенов Бағдаулет пен Изжанова Альбина ойын шарттарын түсіндірме беріп, командаларға тапсырмалар берді.
Сондай-ақ, пікірсайыс барысында жиі пайдаланылған терминдерге түсінік беріп өтті.
«Толеранттық» – басқа ойға, көзқарасқа, наным-сенімге, іс-әрекетке, әдет-ғұрыпқа, сезім-күйге, идеяларға төзімділік, жұмсақтық көрсете білу қасиеті.
Толеранттылық — адам құқығы мен бостандығы, демократиялық принциптердің бірі болып есептеледі. Толеранттылық — қоғамның жалпы және саяси мәдениетінің деңгейінің көрсеткіші.
Бүгінде Қазақстан көптеген ұлттар өкілдерінің ортақ үйі, қасиетті Отаны болып отыр. Діні, мәдениеті, тілі, сал-дәстүрі әртүрлі ұлттардың елімізде тату-тәтті өмір сүріп келе жатқаны абыройымызды арттыра түсуде. Бұл мәселеде Қазақстанды әлем үлгі тұтады.
Осы орайда Абайдың 34-ші қара сөзінен үзінді келтірсек артықтық етпес. Абай: «Адам баласына адам баласының бәрі – дос».
Әлемнің кереметтілігі – ондағы тіршіліктердің әртектілігінде екенін де ұмытпағанымыз жөн.
Жер бетінде өзіндік ерекше мәдениеті, салт-дәстүрі, әдет-ғұрпы бар түрлі ұлттар тұрады.
Жер жүзінің адамдары тереңнен үңілсең, бір-бірімен жіпсіз байланыста. Осы өзара қарым-қатынасты одан әрі нығайта түсу үшін, біріншіден, толеранттылық керек.
Адамдар бір-бірінің нәсіліне, ұлтына, жынысына, жас ерекшеліктеріне қарамай, өзара сыйласуға ұмтылуы адамзаттың үлкен жетістігі деп бағалануы тиіс.
«Жат діни ағымдар» – қоғам тұтастығын бұзып, азаматтарымызға әсіресе жастарымызға ерекше әсер етіп, оларды теріс жолға салуға ықпалы өте зор.
Түрлі теріс бағыттағы көзақарстарға еріп кету кесірінен көптеген отбасылардың ажырасуы, отбасы институтына кері әсер етуі, еліміздің бейбіт өміріне қауіп төндіруі күн тәртібінен түспей келеді.
Бүгінде еліміздің қоғамдық-саяси өмірінде діннің игілікті рөлі артуда.
Дінге сенушілер мен діни бірлестіктердің саны өспесе, кеміп жатқан жоқ.
Адасқан радикалды діни ағымдардың жетегінде кетуінің себептері ретінде: дәстүрлі діні, мәдениеті, тарихы және салт-дәстүрлері жайлы жеткілікті білімдерінің болмауын айтуға болады.
Мұндай керағар ағымдардың идеологиясына қарсы тұра білу үшін жастарымыздың бойына қазақ халқының ежелден қалыптасқан ата — баба дінімізді салт дәстүрімізді санасына сіңіре отыра тәрбиелеу керек.
Еліміздің тарихын, қазақ халқының дәстүрлі құндылықтарын бойына сіңірген ислам дінінің өзіндік даму жолы бар.
Бұл дәстүрлер қазақ халқының ұлттық біртұтастығының белгісі болып табылады. Бүгінгі қоғам жастары өздерінің мәдениетін, тілін, дәстүрін сақтауы керек.
Бұл дегеніміз – рухани негізді игерудегі бүгінгі жаһандану заманында мәдениеттің құлдырауынан сақтайтын, сан түрлі сипаттағы деструктивті ағымдарға қарсы тұруды қалыптастыратын қорған болып табылады деген ойларымен бөлісті.
Әділ қазылар Өтегенов Бағдаулет және Изжанова Альбина тақырып бойынша командалардың нәтижесін шығарды.
Финал ойындары бойынша:
1-ші орын: “Отбасы” фракциясы (Тұрлыбаев Ержан,Топарова Айиша)
2-ші орын: “AJ” фракциясы (Насырова Жания,Түзелбаев Сүйіндік)
3-ші орын: “Корольдік клуб” фракциясы (Аманшин Азамат Абылайұлы, Сламов Данияр Талғатұлы).
Пікірсайыс соңында өз позициясын үздік қорғай білген фракцияларға ұйымдастырушылар тарапынан кубок, сертификат, алғыс хат және кітаптар табысталды.
