2022 жылдың 17 шілде күні Маңғыстау облысы Дін істері басқармасының мемлекеттік әлеуметтік тапсырысы аясында «Отпан» Ақпараттық-түсіндіру және оңалту орталығының ұйымдастыруымен әйел жамағаты арасында ңғылыми кездесу өтті. Шараға ПРОФЕССОР МЕХМЕТ ЕВКУРАН, Хитит Университетінің аға оқытушысы, Теология Факультеті Кафедрасының меңгерушісі, Тимур НҮСІПХАНҰЛЫ, РАТТ мүшесі, теолгия phd докторнат, Нұр-Мүбарак Египет ислам мәдениеті университеті, Діни экстремизмге қарсы іс-қимыл орталығының директоры қатысты.
Түрік және Ислам әлемі 18 ғасырдың аяғынан бастап, регрессия мен дағдарыс кезеңін бастан кешуде. Батыстағы ұлы трансформация (Ренессанс, Реформа, Ағартушылық) модернизациямен аяқталды. Ғылыми революциялар, ұлттық мемлекеттердің пайда болуы, өнеркәсіп пен техниканың жетістіктері ең алдымен Батыс әлеміндегі тепе-теңдікті өзгертті, осыдан кейін Батыс елдерден басқа да елдерге әсер ете бастады. Ұлы империялар жойылуымен, артында шешуі қиын шиеленіс пен қақтығыстар сынды мұра қалдырды.
Модернизм және онымен бірге келген отаршылдық, тек қарсылық көрсеткен мемлекеттер мен елдерді ғана емес, өз бетінше өмір сүріп жатқан дәстүрлі қоғамды да нысанаға алды. Осы шеңберде саяси және экономикалық басымдық көрсетіп қана қоймай, мәдени және психикалық үстемдік де орнады. Модернизм Батыс; өзінің өмір салтын, мәдени құндылықтарын және дүниетанымын басқада қоғамға негіздеді. Бұл адамзат тарихында бұрын-соңды болмаған жағдай. Ортағасырлық империялардың дәуірінде соғыстар мен қақтығыстар болғаны сөзсіз. Алайда бұл қақтығыстардың басым көпшілігі егемендікті, үстемдікті және олжа алуды көздеді. Дегенмен, бір аймақта тұратын адамдарды мәдени және психикалық тұрғыдан түрлендіру және стандарттау модернизмнің негізгі жобасы болды. Ұлттық мемлекеттердің өз идеологияларына сай «Ұлт құру» жобаларының тікелей көрінісі болып табылатын бұл процесс өзіндік және мәдени құндылықтарды қорғау реакциясын да тудырды.
Ислам әлемі өзінің саяси және экономикалық күшін жоғалта бастағанда, зиялылар мен билеуші элита мәселені шешу жолдарын ойлай бастады. Алдымен Батыста болып жатқан оқиғаларға мән бермеген зиялы қауым ғасырлар бойы басқарушылық мендігі мен өз-өзіне сенімділік көзқарастан шыға алмай, дәл қасында болып жатқан ұлы өзгерістерді елемеді немесе ескермеді. Алайда, саяси және әскери саладағы жеңіліс елең еткізіп, бұл жағдайдың себебін ойлай бастады. Қабылдамаған немесе кемсітілген фактілер, бұл жолы ащы болсада мойындауға тура келді.
