Нұр-Сұлтан қаласындағы Ж. Үшкемпіров атындағы «Жекпе-жек» сарайында өткен кәсіпқой бокс кешінің басты жекпе-жегінде аргентиналық Хуан Эрнан Леалмен жұдырықтасқан қазақстандық боксшы Данияр Елеусінов IBO тұжырымы бойынша әлем чемпионы атанып, қазақ кәсіпқой боксының тарихына енді.
Дегенмен, аргентиналық боксшы жекпе-жекті өз аяғында аяқтап, нәтижесінде Данияр Елеусінов төрешілердің бірауыздан шешімімен жеңіске жетті.
Осылайша, ол Василий Жиров, Геннадий Головкин, Жанат Жақиянов пен Бейбіт Шүменовтен кейін әлем чемпионы белбеуіне қол жеткізген бесінші қазақстандық боксшы атанып отыр.
Кәсіпқой бокс кешінде Даниярдың жекпе-жегіне дейін Иван Дычко, Жанқош Тұраров, Дәурен Елеусінов, Ержан Залилов, Айдар Әмірзақов секілді бірнеше қазақстандық боксшылар да өз қарсыластарын жеңді.
