Ақтөбе қалалық орталық мешіті сауат ашу курсының негіздерін үйрететін 7-12 жас аралығындағы балаларды қабылдап, жұмыстарын бастап кетті.
Жазғы демалыс уақыты балалар үшін қайырлы әрі пайдалы өтуі үшін өңірде «Имани жаз» сауат ашу курсы қолға алынған болатын.
Құран әліппесі, сенім, мінез-құлық тәрбиесі сынды пәндерден Ақтөбе қалалық мешітінің ұстаздары дәріс беріп қана қоймай, танымдық ойындар мен қызықты сабақтар жүргізетін болады. Балалар білім алумен қатар, спорт сайыстарына қатысып, Ақтөбе қаласының көрікті жерлеріне шағын экскурсия жасайды.
Қазіргі уақытта 60-қа жуық оқушы ер және қыз бала тәлім алуда.
