Күндердің күнінде Мысырдың беделді ғалымы, тәпсір саласының көрнекті өкілі Мұхаммед Мутауали аш-Шағраудан бала тәрбиесі туралы сұрапты. Сонда ол:
-Егер 3000 тиын немесе 3000 доллар тұратын сағат тақсаң да уақытты бірдей көрсетеді.
Егер 3000 тиын немесе 3000 доллар тұратын сөмке ұстасаң да екеуінің ішіндегі зат өзгермейді.
Егер көліктің алдына не артына отырсаң да, баратын жерің бір болады.Сондықтан балаларыңды бай болу үшін емес бақытты болу үшін өмір сүру керектігін үйретіңдер. Себебі, олар өскенде әр нәрсені бағасына емес маңыздылығына қарай бағалайды,-деп жауап берген екен.
Жалғас АСХАТҰЛЫ,
дінтанушы
