- Жұма намазының үкімі?
Ер адамдарға парыз.
- Зекет дегеніміз не?
Нисап көлеміне жететін дәулеті бар мұсылманның Алла разылығы үшін байлығының белгілі бір бөлігін шариғатқа сай жылына бір мәрте Құранда көрсетілген белгілі бір адамға беру.
- Қажылықтың парызы қанша?
3 парызы бар: 1-Ихрамға кірерде ниет ету; 2-Арафатта тұру; 3-Қағбаны тауап ету.
- Жауапкершілігі жағынан ең үлкен періштелер?
Жәбірейіл, Әзірейіл, Микайл, Исрафил.
- Мүнкәр мен Нәкир қандай періште?
Қабірде сұраққа тартатын періштелер.
- Муһажир деген кім?
Пайғамбарымызбен (с.ғ.с.) бірге Меккеден Мәдинаға көшкендер.
- Ансар деп кімді айтқан?
Муһажилерге көп жәрдем еткен мәдиналық мұсылмандар.
- Сахаба деген кім?
Пайғамбарымыздың (с.ғ.с.) көзін көріп, иман келтіргендер.
- Табиғин деген кім?
Сахабаларды көрген мұсылмандар.
- Ғұсылы жоқ адамға тыйым салынатын істер:
Қағбаны тауап ету, Құранды ұстау, оқу, Мешітке кіру.
