Күндердің күнінде Айша, Фатима және Медихан есімді үш дос қыз болады. Олар университетте біргеоқиды. Медихан сабақта өте үздік әрі белсенді студент еді.Оны құрбылары ерекше жақсы көретін.
Бір күні Рамазан айы келіп Айша мен Фатима Медиханға сыйлық жасаймыз деп, күтпеген жерден ауызашарға үйіне бармақ болып келіседі. Бұған дейін ол екеуі Медиханның үйін зиярат еткен емес еді. Содан ертесіне кешкісін ауызашарға жақын қалғанда екі құрбы Медиханның есігін қағады. Есікті ашқан бойда Медихан құрбыларын көріп,түрі сұрланып көтеріңкі дауыспен:
-Неге келдіңдер? – деп күтпеген жерден ыңғайсызданады.
Есіктің арғы жағындағы Құрбылары сасқандарынан үнсіз қалады. Сол уақытта Медиханның анасы күлімсіреп Айша мен Фатиманы үйге кіргізеді.Үйдегі барлық заттардың тозығы жеткен, алашалар жыртылған, кішкене балалардың үстінде киімдері жоқ, үстел үсті бос екеніне көрген құрбылар ескертпейкелгендеріне қатты өкініп қалады. Бұны байқаған Анасы:
– Әттең, бүгін ауызашарға тәтті тауық етімен бәліш істесем бе деген едім, уақыт болмай қалды, дейді сасқанынан. Бұны естіген Медиханың інілері:
– Анашым, бізде сондай тамақ бар ма еді?, Қане, бар болса жейікші, деп жүгіріп барып тоңазытқышты ашады. Ештеңе таппаған балалар көңілдері түсіп ойындарын жалғастыра береді. Осыны көріп тұрған Айша мен Фатима келгендеріне қатты ұялып, тапжылмастан кері үйлеріне қайтып кетеді.
Екі құрбы үйлеріне жетіп,көрген жайды естеріне алып, ауыздарын ашқанымен,тәбеттері жоғалып ас батпайды. Олар қалай да Медиханға қол ұшын беру керектігін жоспарлайды. Екеуі қаржылай көмек берсе Медиханның көңілін қалдырып аламыз ба, деп ойлап басқа амал қарастырады. Ойлай келе, екеуі ақша жинап, жергілікті дүкеннің басшысымен келісіп, қажетті барлық азық-түлікті сатып алады. Заттарды алып дүкен қызметшісі Медиханың үйіне келіп:
– Рамазан айында біздің дүкенқайырымдылық шарасын жүргізіп жатыр. Соған сіздерге біршама азық-түлік ұсынсақ деп едік. Қабыл алыңыздар, деп кері қайтады.Осылайша, Айша мен Фатиманың мақсаттары жүзеге асқан еді.
Ертесіне, Медиханның жүзі жайдарлы, көңіл-күйі көтеріңкі болып оқуға барады. Ол Айша мен Фатимаға келіп:
– Кеше біраз ыңғайсыз болды. Сендерге ауызашар бере алмадым. Бүгін үйге келіңдер жақсылап ауыз ашамыз. Анам тауық етінен сорпа істеп, дәмді тәттілер істейді – дейді.
Медиханың күлімсіріген жүзін көріп құрбылары қауна-қуана шақыруын қарсы алады.Осылайша олардың өмірлері әдеттегідей жалғасын табады.
Түйін: 12 айдың сұлтаны Рамазанда Медихан секілді ауыз ашайын десе астары жоқ, азық-түлікке мұқтаж жандар Сіздің де жаныңызда болуы мүмкін. Соларға қол ұшын беріп, жақсылық жасаңыз. Өйткені, Рамазан өзгегеқамқорлық, мейірімділік пен жақсылық таныту арқылы қасиетті болмақ.
Жалғас АСХАТҰЛЫ – Дінтанушы
