Бүгінгі кең таралған Құран Кəрім нұсқаларының 114 сүресінің бірі «əл-қамар (Ай)» сүресі. Сол сүреде «адам баласының айға шығу тарихы туралы дерек бар» дегенді естісеңіз еш таң қалмаңыз, өйткені Құран Алланың кəлəмі, онда барлық нəрсенің жазылған болуы əбден мүмкін!
Ал-Қамар (Ай) деп аталатын бұл сүреден, Құранның ахырына дейін 1389 аят орын алған. Хижра жыл санауы бойынша 1389 жыл, бүгінде біз есептеп жүрген күнтізбе милəди 1969 жылға тура келеді. 1969 жылдың 20 шілдесінде адамзат тарихында тұңғыш рет АҚШ астронавты Нил Армстронг Ай бетіне аяқ басты. «Аполлон 11» кеме экипажы Айда 21 сағат 36 минут бойы тұрды. Қызығы, адамзат тарихында ерекше орынға ие болған бұл оқиға туралы Құран кəрімде алдын-ала ишараттың болғандығы.
Адамзаттың айға шығуына байланысты тағы бір ұқсас мағлұмат, бұл сүреде «уаншаққа…» сөзі бар, яғни «жарылды…» деген сөз. Бұл сүреде айдың жарылуы туралы сөз болғанымен, «шаққа (жарылу)» сөзін жердің жарылуы, қазылуы деген мағыналарда қолданса болады. Бұл дегеніміз, адам баласы 1969 жылы айға қонып, топырағын басып, бір бөлігін қазып жерге алып қайтқандығы туралы хабар. Бұған қоса, «адамзаттың айға шығу» тарихына қатысты басқа сүрелерде де ишарат бар.
Мысалы 19-сүренің 57-аятында «Біз оны биік бір жерге көтердік» деген сөз бар. Адамзат тарихында алғашқы ғарыш кемесі «Спутник», 1957 жылы қазанның 4-де ұшырылған. Бұл оқиғадан кейін дүниежүзінің елдері Айға бірінші болып қону үшін бəсекеге түсті. Байқаған болсаңыз 19 с. 57 аят, яғни екеуін қатарластырып қойғанда 1957 саны шығады, дəл 57 аятта биік жерге көтерілу сөз болып тұр. Бұл да Құранның көптеген ашылмаған кереметтерінің бірі, адамзат үшін əкелген анық хабары. Бұл мəлімет, http://www.kuranca.com интернет сайтындағы мəліметтер негізінде дайындалды.
Әли АЗАМАТҰЛЫ
